el hazarde legita recenzo de libro pri bredo de katoj:
„... estas evidente, ke ĉi tiu libro estas fasonita por amas-sukceso kaj sekve enhavas sian pezon da tute novaj rekomendoj, kiuj rekte kontraŭas komunajn ideojn...“
mi timas, ke la rimarko validas ne nur pri kato-libroj, ne nur pri libroj por vasta publiko, ne nur pri libroj el stacidoma vendejo.
min ofte surprizis resumoj pri evoluo de homsciencoj, montrante, kiel ĉiu generacio de esploristoj forĵetas la ideojn de la antaŭa generacio, elektas ĝuste malajn ideojn, ĉi tiujn pelas al ekstremo, al troigo, ĝis la postsekva generacio denove ŝanĝos la direkton. la bezono de noveco, de pretekstoj por ŝanceli la katedron de la instalitaj majstroj kaj starigi anstataŭe la propran seĝon, parte klarigas la zigzagan vojon de iuj fakoj.
Aucun commentaire:
Enregistrer un commentaire